Fulltrúar í Loftslagsráði

		Halldór Þorgeirsson Halldór er formaður Loftslagsráðs, skipaður af ráðherra án tilnefningar. Hann hefur áratuga reynslu af stefnumörkun í loftslagsmálum, bæði sem skrifstofustjóri í Stjórnarráðinu og sem yfirmaður stefnumörkunar hjá Loftslagssamningi Sameinuðu þjóðanna þar sem hann hélt utan samninga um Parísarsamninginn. Áður var hann brautryðjandi í rannsóknum á kolefnisbúskap íslenskra skógarvistkerfa.
		Brynhildur Davíðsdóttir Brynhildur er varaformaður, skipuð af ráðherra án tilnefningar. Brynhildur er prófessor í Umhverfis- og auðlindafræði við HÍ.
		Árni Finnsson Árni er formaður Náttúruverndarsamtaka Íslands og annar tveggja fulltrúa umhverfisverndarsamtaka í Loftslagsráði.
		Guðmundur Þorbjörnsson Guðmundur er framkvæmdastjóri verkfræðistofunnar Eflu. Hann er fulltrúi Viðskiptaráðs Íslands í Loftslagsráði.
		Guðfinna Th. Aðalgeirsdóttir Guðfinna Aðalgeirsdóttir er prófessor í jarðeðlisfræði við Jarðvísindadeild Háskóla Íslands, þar sem hún stundar rannsóknir í jöklafræði og á áhrifum loftslagsbreytinga á þróun jökla. Hún er annar tveggja fulltrúa háskólasamfélagsins í Loftslagsráði.
		Hildur Hauksdóttir Hildur er sérfræðingur í umhverfismálum hjá Samtökum fyrirtækja í sjávarútvegi. Hún er með MBA gráðu og Bsc gráðu í Rekstrarverkfræði frá HR. Hildur vann áður við umhverfismál og samfélagsábyrgð hjá HB Granda (nú Brim). Hildur situr í stjórn Klappa grænna lausna og Úrvinnslusjóðs. Hildur er tilnefnd í Loftslagsráð af Samtökum atvinnulífsins.
		Hrönn Hrafnsdóttir Hrönn Hrafnsdóttir er umhverfis- og auðlindafræðingur og starfar sem sérfræðingur á umhverfis- og skipulagssviði Reykjavíkurborgar. Hún hefur starfað að loftslagsmálum síðan 2011 hjá Reykjavíkurborg og er tengiliður borgarinnar við alþjóðasamtök borga á sviði loftslagsmála Global Covenant of Mayors og er ábyrg fyrir upplýsingagjöf til þeirra samtaka. Hún er annar tveggja fulltrúa Sambands íslenskra sveitarfélaga.
		Jóhanna Harpa Árnadóttir Jóhanna er verkfræðingur og verkefnastjóri samfélagsábyrgðar hjá Landsvirkjun. Hún hefur m.a. áður starfað sem sérfræðingur í umhverfismálum og kennt sjálfbærni við tækni- og verkfræðideild HR. Hún er tilnefnd í Loftslagsráð af Festu - miðstöðvar um samfélagsábyrgð.
		Maríanna Traustadóttir Maríanna er mannfræðingur og starfar sem sérfræðingur í félagsmáladeild skrifstofu ASÍ. Þar sinnir hún m.a. jafnráttis- og umhverfismálum. Maríanna hefur unnið fyrir verkalýðshreyfinguna frá árinu 2001. Hún er tilnefnd í Loftslagsráð af Alþýðusambandi Íslands.
		Ragnar Frank Kristjánsson Ragnar er sviðsstjóri umhverfis- og skipulagssviðs Borgarbyggðar. Hann er landslagsarkitekt og hefur áður unnið hjá Skipulagi ríkisins, verið þjóðgarðsvörður í Skaftafelli og lektor við Lbhí. Hann er tilnefndur í Loftslagsráð af Samtökum sveitarfélaga.
		Ragnhildur Freysteinsdóttir Ragnhildur er umhverfisfræðingur hjá Skógræktarfélagi Íslands þar sem hún sinnir m.a. fræðslu- og útgáfumálum, samskiptum og málefnum Kolviðar. Hún er annar tveggja aðalfulltrúa umhverfisverndarsamtaka í Loftslagsráði.
		Sigurður Eyþórsson Sigurður er framkvæmdastjóri Bændasamtaka Íslands sem eru heildarsamtök íslenskra bænda. Hann er tilnefndur í Loftslagsráð af Bændasamtökunum.
		Sigurður Loftur Thorlacius Sigurður er formaður Loftslagsnefndar Ungra umhverfissinna og var ritari félagsins til tveggja ára. Sigurður er umhverfisverkfræðingur (M.Sc.) og hefur unnið ýmis nýsköpunarverkefni í loftslagsmálum hjá EFLU verkfræðistofu. Hann var skipaður í Loftslagsráð af umhverfis- og auðlindaráðherra sem fulltrúi ungs fólks.
		Steingrímur Jónsson Steingrímur er prófessor í haffræði við Háskólann á Akureyri. Hann er tilnefndur í Loftslagsráð af samstarfsnefnd háskólastigsins.
		Sævar Helgi Bragason Sævar Helgi er jarðfræðingur að mennt. Hann er rithöfundur, kennari og vísindamiðlari og hefur unnið við dagskrárgerð hjá RÚV í sjónvarpi og útvarpi. Hann var umsjónarmaður þáttaraðarinnar Hvað höfum við gert? sem fjölluðu vítt og breitt um loftslagsmál. Hann er tilnefndur í Loftslagsráð af Neytendasamtökunum.
Varafulltrúar
		Agla Eir Vilhjálmsdóttir Agla Eir er lögfræðingur hjá Viðskiptaráði Íslands, tilnefnd í Loftslagsráð af Viðskiptaráði.
		Björn Guðbrandur Jónsson Björn Guðbrandur er framkvæmdastjóri samtakanna Gróður fyrir fólk í Landnámi Ingólfs (GFF). Hann er annar tveggja varafulltrúa í Loftslagsráði fyrir hönd umhverfissamtaka.
		Eygerður Margrétardóttir Eygerður er verkefnisstjóri umhverfis- og úrgangsmála hjá Sambandi íslenskra sveitarfélaga. Hún er landfræðingur og umhverfisfræðingur að mennt og hefur um árabil starfað að loftslags- og umhverfismálum á sveitarstjórnarstigi. Hún er tilnefnd í Loftslagsráð af Sambandi íslenskra sveitarfélaga.
		Hafdís Hanna Ægisdóttir Hafdís Hanna er plöntuvistfræðingur (PhD). Hún er með áralanga stjórnunarreynslu á sviði vistheimtar, loftslagsmála og þróunarsamvinnu sem forstöðumaður Landgræðsluskóla Háskóla Sameinuðu þjóðanna 2010-2020. Hafdís Hanna er varafulltrúi Neytendasamtakanna í Loftslagsráði.
		Halldóra K. Hauksdóttir Halldóra er eggjabóndi og lögmaður á fjölskyldusviði hjá Akureyrarbæ. Hún er jafnframt stjórnarmaður í Bændasamtökum Íslands og tilnefnd af þeim í Loftslagsráð. Hún er lögfræðingur með meistaragráðu í viðskiptafræði og stjórnun.
		Heimir Björn Janusarson Heimir Björn er skrúðgarðyrkjufræðingur, umsjónarmaður Hólavallagarðs, gamla kirkjugarðsins við Suðurgötu. Heimir er tilnefndur í Loftslagsráð af Alþýðusambandi Íslands.
		Helga Ögmundardóttir Helga er lektor í mannfræði við HÍ. Rannsóknarsvið hennar eru umhverfismál, loftslagsmál, sambúð manns og náttúru, menn og dýr, orku- og auðlindamál, tækni og umhverfi o.s.frv. Hún situr í Loftslagsráði sem varafulltrúi fyrir háskólasamfélagið.
		Hlynur Óskarsson Hlynur er dósent í vistkerfisfræðum við Landbúnaðarháskóla Íslands. Hann hefur um árabil verið virkur þátttakandi í innlendum og erlendum rannsóknum á kolefnisbúskapi vistkerfa og áhrifum landnýtingar þar á. Hlynur er tilnefndur í Loftslagsráð af háskólasamfélaginu.
		Hrund Gunnsteinsdóttir Hrund er framkvæmdastjóri Festu - miðstöðvar um samfélagsábyrgð. Hún er varafulltrúi Festu í Loftslagsráði.
		Jóna Þórey Pétursdóttir Jóna Þórey er forseti Stúdentaráðs Háskóla Íslands 2019-2020. Jóna lauk grunnnámi í lögfræði frá HÍ vorið 2018. Jón Þórey er skipuð í Loftslagsráð af ráðherra án tilnefningar sem varafulltrúi ungs fólks.
		Páll Björgvin Guðmundsson Páll Björgvin er framkvæmdastjóri Samtaka sveitarfélaga á höfuðborgarsvæðinu. Hann er tilnefndur sem varafulltrúi Samtaka íslenskra sveitarfélaga.
		Pétur Blöndal Pétur er framkvæmdastjóri Samáls, samtaka álframleiðenda, og stjórnarmaður í Álklasanum. Hann er tilnefndur í Loftslagsráð af Samtökum atvinnulífsins.
		Kristín Vala Ragnarsdóttir Kristín Vala er prófessor í jarðvísindum við Háskóla Íslands. Hennar vísindalegi bakgrunnur er í jarðefnafræði, tengingu umhverfis og heilsu, og jarðvegsfræði. Núverandi rannsóknir snúa að því að finna sjálfbærnilausnir fyrir framtíðina, þar á meðal náttúruauðlindastjórnun og þróun velsældarhagkerfa. Kristín Vala er tilnefnd sem varafulltrúi umhverfisverndarsamtaka.

Fulltrúar í Loftslagsráði

Varafulltrúar